Appendix II.

{375}
Exercitationes quædam in Terentii fabulas.


1. Prologus in Phormonionem

QUOD Atticissans edidit Terentius,
Id ore nostro balbutimus barbari;
Quod ethnicorum cœtui protulit ethnicus, 
Id castis loquimur auribus Fidelium; 
Hoc nomine de poetâ jam benemeriti
Quòd, ille quæ tam pulchrè nobis tradidit,
Nos emendando pulchriora fecimus.
    Felices, quibus in omni re hæc usu venit
Illâ Terentianâ arte ars sublimior,
Bona amplectendi, non amplectendi mala;
Dubiam ut vitaï percurrentibus viam,
Amittat terra id omne quod terram sapit,
Et plus quàm proprio vestiatur lumine!
    Quod amplius est dicendum, populares mei,
Breviter dicetur;—ad histriones attinet {376}
Tenellas animas, corda palpitantia,
Partes virorum ausos puerorum viribus,
Qui primi [Note] hic intra Catholicorum limites
Inducere aggrediuntur veterum fabulas.
His vos favete, haud sordida affectantibus.
Siquid præclarè fit, vos manibus plaudite,
Si claudicat quid, adesto vostra humanitas.
    Satis jam prologi: Davus huc nunc prodeat,
Et ritè præbeat aurem, dum loquitur Geta.

The Oratory
.
1864.

Translation

 

Top | Contents | Works | Home


Note

Viz. 1864.
Return to text

Top | Contents | Works | Home


Newman Reader — Works of John Henry Newman
Copyright © 2007 by The National Institute for Newman Studies. All rights reserved.